Qazaqstanda bilim berý uıymdaryn memlekettik attestattaý formaty jańardy

ASTANA. KAZINFORM – Elimizde bilim berý uıymdaryn memlekettik attestattaý formaty ózgerip jatyr. Endi attestattaý baqylaý sharasy emes, bilim berý sapasy men qoljetimdiligin keshendi baǵalaý retinde júzege asyrylady. Tıisti ózgerister zańnamalyq deńgeıde bekitildi, dep habarlady QR Oqý-aǵartý mınıstrliginiń baspasóz qyzmeti.

«Qazaqstan Respýblıkasynyń keıbir zańnamalyq aktilerine mádenıet, bilim berý, otbasy jáne memlekettik baqylaý máseleleri boıynsha ózgerister men tolyqtyrýlar engizý týraly» Zańǵa sáıkes memlekettik baqylaý fýnktsııalary men bilim berý uıymdarynyń qyzmetin baǵalaý tetikterin ajyratý maqsatynda memlekettik attestatsııaǵa qatysty normalar qaıta naqtylanyp, «Bilim týraly» Zańǵa ózgerister engizildi.

– Bilim berý uıymdaryn attestattaý – bilim sapasy men qoljetimdiligin baǵalaýǵa, sondaı-aq memlekettik jalpyǵa mindetti standart talaptaryna sáıkestigin aıqyndaýǵa baǵyttalýda. Mundaǵy maqsat bilim berý uıymdarynyń jumys tıimdiligin arttyrý men oqý protsesin jetildirý bolyp tabylady, – deıdi Bilim salasynda sapany qamtamasyz etý komıtetiniń tórǵasy Serik Áshirov.

Aıta keteıik, jyl basynan beri Oqý-aǵartý mınıstrliginiń Bilim salasynda sapany qamtamasyz etý komıtetiniń aýmaqtyq departamentterimen 2700 bilim berý uıymy memlekettik attestattaýdan ótti.

Aıta keteıik, elimizde pedagogterdi attestattaý qaǵıdalary qaıta qaralady.

94 myńnan astam pedagog «Ustaz» platformasy arqyly attestattaýdan ótpek.