Qazaqstanda bıznes-ınkýbatorlardy qoldaý jobalary iriktelýde
ASTANA. QazAqparat - «Tehnologııalyq damý jónindegi ulttyq agenttik» AQ bıznes-ınkýbatorlardy qoldaý baǵdarlamasy boıynsha jobalardy irikteýdi ótkizip jatyr, dep habarlaıdy QazAqparat.
Baǵdarlama aıasynda elimizde bıznes-ınkýbatorlardy qurý josparlanyp otyr, ıaǵnı keıinnen olardyń aınalasynda startap-jobalar shoǵyrlanatyn bolady.
Bıylǵy 14 maýsym men 3 shilde aralyǵynda agenttik konkýrsqa qatysýǵa nıetti bıznes-ınkýbatorlardan qujattar qabyldady. Jalpy, 12 ótinim túsip, saraptama nátıjesinde 10-y irikteldi. Belgili bolǵandaı, búgingi komıssııa otyrysynda úsh bıznes-ınkýbator iriktelinip, olardyń árqaısysymen 3 jylǵa kelisimshart jasalady.
«Olar ózderiniń jobasy týraly esse jazýy tıis. Negizi, ınkýbatorlar sýper ıdeıalardy pysyqtamaıdy, olar naqty ıdeıalar jınalatyn ınfraqurylymdyq alańǵa aınalýdy maqsat tutady. Bıznes-ınkýbatorlar ıdeıalar tartylatyn ortalyq bolýǵa qaýqarly, sebebi olarǵa qarjylyq turǵyda qoldaý kórsetiledi. Óz kezeginde atalǵan ortalyqtarǵa startaptar shoǵyrlanýy tıis», - dep túsindirdi «TJDUA» AQ tehnologııalardy kommertsııalandyrý ortalyǵynyń dırektory Nurlan Baıjenov.
Aıta keteıik, úmitkerler arasynda joǵary oqý oryndary da bar.
«Jalpy, ýnıversıtetter bul ındýstrııanyń mańyzdy elementteriniń biri, óıtkeni kóptegen jobalar oqý oryndarynan paıda bolatynyn bilesizder. Sondyqtan olar bıznes-ınkýbatorlardy óńirlerde qurýda. Atap aıtqanda, biz 3 bıznes-ınkýbatordy tańdap alamyz. Keıinnen olarǵa qoldaý bildiremiz. Nátıjesinde, olar startap-jobalar tartylatyn ortalyq bolady», - dedi N. Baıjenov.
Baǵdarlama aıasynda bıznes-ınkýbatorlarǵa qarjylyq ári ádistemelik kómek jasalady. Onyń ishinde jeńimpazdarǵa memleket operatsııalyq shyǵystardyń 50 paıyzyn birlesip qarjylandyrady, alaıda jylyna 35 mln teńgeden artyq bólinbeıdi. Sonymen qatar, bıznes-ınkýbatorlardyń tıimdi jumysyn qurý úshin sheteldik sarapshyny tartý jolymen ádistemelik qoldaý jasalady.
Aldaǵy jyly osy bıznes-ınkýbatorlardan shyqqan startap-jobalarda 50 mln teńge kóleminde memlekettik grantty alý múmkindigi bolady.
«2019 jyly atalǵan bıznes-ınkýbatorlarda damýǵa múmkindik alǵan perspektıvasy bar startaptar joba qunynan 80 paıyz kóleminde grant alady, biraq ta ol soma 50 mln teńgeden aspaıdy. Bul taza grant retinde qarastyrylady. ıAǵnı joba damý jolyna túsip, bıznes-ınkýbatormen shart bekitiledi. Keıinnen olar birlesip jobany damytyp, ıdeıa tolyqqanda iske asyrylsa, atalǵan grantqa ótinim berý múmkindigine ıe bolady», - dedi Nurlan Baıjenov.
