11:48, 15 Qańtar 2021 | GMT +6
Qazaqstanda bıznes ashýǵa qatysty shyǵyndy tómendetýge baǵyttalǵan qujat ázirlenýde
NUR-SULTAN. QazAqparat – Qazaqstanda bıznesti ashý men júrgizýde shyǵyndardy tómendetýge baǵyttalǵan zań jobasy ázirlenip jatyr. Bul týraly búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev málim etti, dep habarlaıdy QazAqparat tilshisi.
«Taǵy bir maqsat – bıznesti júrgizý úshin qolaıly jaǵdaı jasaý. Jańa ekonomıkalyq saıasatqa negizdelgen kásipkerlikti qoldaýdyń tetigin ázirleý qajettigi bar. Saladaǵy retteý is-sharalaryn jańa qadamdardan bastaýǵa tapsyrma bergen edim, bul óz kezegine bıznesti ashý men júrgizýde shyǵyndardy aıtarlyqtaı tómendetedi», - dedi Prezıdent.
Memleket basshysy 2020 jyldyń sońynda tıisti Jarlyqqa qol qoıǵanyn eske saldy.
«Oǵan sáıkes, Úkimet mańyzdy zań jobasyn daıarlap jatyr. Qujat 2021 jyldyń maýsym aıynda Májilistiń qaraýyna engiziledi. Osy oraıda Kásipkerler usynystary men qoǵamdyq múddeni eskere otyryp, atalǵan zań jobasyn depýtattardyń jan-jaqty qaraýyn suraımyn», - dedi Q. Toqaev.
