Qazaqstanda biz ózimizdiń jáne urpaqtarymyzdyń Otanyna ıe boldyq - «Vaınah» etnomádenı ortalyǵy
ASTANA. Shildeniń 9-y. QazAqparat - Memleket basshysy Nursultan Nazarbaevtyń atyna quttyqtaý hattar tolassyz kelip túsýde. Qazaqstan Respýblıkasynyń resmı tulǵalarynyń, azamattarynyń jáne uıymdarynyń hattary men jedelhattarynda olar Elbasyn mereıjasymen jáne elorda kúnimen shynaıy quttyqtaıdy, dep habarlady QR Prezıdentiniń baspasóz qyzmeti.
Prezıdent poshtasynda Astanadan Qazaqstan Respýblıkasy Parlamenti birinshi shaqyrylymynyń depýtattary Rysty Jumabekovadan, Lılııa Mýsınadan, Roza Qýanyshbaevadan quttyqtaýlar bar.
Astana qalasyndaǵy «Vaınah» etnomádenı ortalyǵy» qoǵamdyq birlestiginiń músheleri bylaı dep jazady: «Biz, sheshender men ıngýshtar Sizdiń ulttyq saıasatyńyzdy belsendi qoldaımyz, óıtkeni Qazaqstan bizder úshin turǵylyqty jer ǵana emes, jappaı qýǵyn-súrgin kezinde biz osynda ózimiz jáne urpaqtarymyz úshin Otanymyzdy taptyq».
«Asa qurmetti Nursultan Ábishuly, Sizdi týǵan kúnińizben jáne Astana kúnimen quttyqtaımyz. Sizge halyqtyń ıgiligi úshin uzaq jyldar prezıdent bolýyńyzǵa tilektespiz, - dep jazady Batys Qazaqstan oblysynyń Zelenov aýdanyndaǵy qarttar men múgedekter úıinde turatyn Zınaıda Zımına. - Sizge qarttarǵa udaıy qamqorlyq jasap, zor kóńil bólip otyrǵanyńyz úshin rahmet».
Kelesi hat ta Batys Qazaqstan oblysynyń Shyńǵyrlaý ınternat-úıinde turatyn zeınetkerler Marııam Ǵalıevadan, Marııa Dobrıtsovadan, Baqyt Іztileýovadan, Aleksandr Kostıýkten jáne Baqtybaı Eleýsizovten kelgen.
Qazaqstan katolık epıskoptary konferentsııasynyń tóraǵasy, arhıepıskop, Astana mıtropolıti Tomash Peta bylaı dep jazady: «Sizge shyn júrekten shyqqan quttyqtaýymdy joldaı otyryp, Sizge jáne búkil elge Rım Papasy Ioann Pavel ІІ-niń 2001 jyly Sizdiń qabyldaýyńyzǵa jáne Ózińizge rızashylyqpen aıtqan: «Qazaqstan, Seni Táńiri qoldasyn!» degen minájatyn aıtqym keledi».
