Qazaqstanda bıyl jumyspen qamtý sharalaryna 1 mln 390 myń adam tartyldy
«Osy jyly Jumyspen qamtýdyń jol kartasy, Eńbek jáne basqa da memlekettik baǵdarlamalardyń qosa alǵanda jumyspen qamtý sharalarymen 1 mln 390 myń adam qamtyldy. Onyń ishinde 730 myńy turaqty jumyspen qamtamasyz etildi. Sheteldik jumys kúshin tartatyn kásiporyndardyń jaǵdaı da baqylaýda. Osy jyly ishki eńbek naryǵyn qorǵaý maqsatynda sheteldik jumys kúshin tartý kvotasy 2019 jylmen salystyrǵanda 40 paıyzǵa qysqartyldy. Osy jyldyń 1 jeltoqsany boıynsha jergilikti atqarýshy organdardyń ruqsatymen 14 600 sheteldik azamat 1700 kásiporynda jumys isteıdi. Ondaǵy jergilikti qamtý úlesi 96 paıyzdy quraıdy», - dedi Eńbek jáne halyqty áleýmettik qorǵaý mınıstri Birjan Nurymbetov Úkimet otyrysynda.
Mınıstrdiń aıtýynsha, memlekettik eńbek ınspektorlary sheteldik jumyskerler tartylǵan kásiporyndarǵa 71 tekserý júrgizip, onda 608 zańbuzýshylyq anyqtalyp joıylǵan. Sonymen qatar bıyl Eńbek kodeksine jumys berýshilerge jumysshylar úshin teń óndiristik jáne turmystyq jaǵdaılarda eshbir kemsitýsiz qamtamasyz etýdi mindetteý jóninde tolyqtyrýlar engizilgen.
