Qazaqstanda bıyl memlekettik qyzmettiń 187 túri elektrondy formatqa aýystyrylady
«2017 jyly «Elektrondy úkimet» portaly boıynsha azamattarǵa 34 mıllıonǵa jýyq qyzmet kórsetilgen. Sonymen qatar, biz jasaǵan taldaý nátıjesinde memlekettik qyzmetterdi kórsetý kezindegi birneshe problemany anyqtadyq. Birinshisi - qyzmetterdi qaǵaz nusqasynda kórsetýdiń saqtalýy. Áli de jyl saıyn 50 mıllıon astam memlekettik qyzmet qaǵaz túrinde kórsetiledi. Ekinshisi - qajetti anyqtamalardyń kóptigi. Memlekettik organdarǵa jáne jeke uıymdarǵa jyl saıyn 26 mıllıonnan astam elektrondy anyqtamalar usynylady. Kelesi másele - bir qyzmetti alý úshin basqa da qyzmetti alýdyń qajettiligi», - dedi ol.
Memlekettik korporatsııasynyń basqarma tóraǵasy sonymen birge Úkimet otyrysynda atalǵan máselelerdi sheshýdiń joldaryn usyndy.
«Endi olardy sheshýge bolatynyn qarastyraıyq. Bul jerde otyrǵan Premer-mınıstrdiń orynbasary Asqar Jumaǵalıevtiń tóraǵalyǵymen jumys jasap jatqan vedomstvolyq komıssııanyń qyzmeti mańyzdy. Máselen, qyrkúıek aıynan bastap komıssııanyń otyrysynda 400-den astam qyzmettiń túri qarastyryldy. 346 qyzmettiń túri birinshi jartyjyldyqtyń aıaǵyna deıin qarastyrylatyn bolady. Tıisti sharalar josparlary memlekettik organdarmen ázirlengen», - deıdi Ospanov.
Ol sonymen qatar, atalmysh komıssııa qoldanylatyn mańyzdy qaǵıdalardy atady.
«Birinshisi - «Digital by default», ıaǵnı qyzmetterdi tek elektrondy túrde kórsetý. 2018 jyly 187 qyzmet túrleri tek elektrondy túrde kórsetýge aýystyrylady. Mysal retinde, elektrondy formatqa aýystyrylatyn qyzmetti keltirýge bolady. Ol ІІM-men birlese jasalǵan joba - elektrondy tirkeý. Qazir bul qyzmetti kórsetý ýaqyty 2 saǵatty quraıdy. Agregattardy salystyrý úshin sonymen qatar mindetti túrde mamandandyrylǵan Halyqqa qyzmet kórsetý ortalyqtaryna barý qajet. Al osy jyldyń shilde aıynan bastap eshqaıda barmaı-aq, «Elektrondy Úkimet» portalynda Smart-kelisim shart jasap, tıisti tólemderdi tólep, daıyn qujattardy baryp alýǵa nemese Qazposhta arqyly úıge aldyrtýǵa bolady. Nátıjesinde, jyl saıynǵy aınalymnan 6,4 mln qaǵaz qujatty alyp tastaımyz. Memleket pen azamattar úshin jyl saıyn 550 mln teńge únemdeımiz», - dedi Abylaıhan Ospanov.
