Qazaqstanda bıyl donorlyq organdardy salý boıynsha 102 ota jasalǵan - E. Baıjúnisov
ASTANA. 3 qazan. QazAqparat - Osy jyldyń basynan bastap Qazaqstanda donorlyq organdardy salý boıynsha 102 ota jasalǵan, dep habarlady búgin Densaýlyq saqtaý vıtse-mınıstri Erik Baıjúnisov Ortalyq kommýnıkatsııalar qyzmetiniń brıfıngi barysynda.
«Eger ótken jyly bizde 20-30 operatsııa jasalsa, bıyldyń ózinde 102 ota jasalǵan. Bul óte jaqsy qarqyndy kórsetedi», - dedi E.Baıjúnisov.
Onyń aıtýynsha, Densaýlyq saqtaý mınıstrligi DDU arqyly álemniń barlyq elderinde donorlyqty uıymdastyrý boıynsha qajetti aqparattyń bárin alady. Vıtse-mınıstr aıtyp ótkendeı, búgingi tańda vedomstvo álemniń jetekshi elderiniń atalǵan baǵytyndaǵy damý tájirıbesin zertteıdi, delingen primeminister.kz saıtynda.
