Qazaqstanda bıyl alty túrme jabylady - ІІM
ASTANA. QazAqparat - 2016 jyly Qazaqstanda xalyqaralyq standarttarǵa saı kelmeıtin 6 túzeý mekemesi jabylady. Bul týraly búgin QR ІІM Qylmystyq-atqarý júıesi komıteti tóraǵasynyń orynbasary Azamat Bazylbekov málim etti.
"Rasynda, Qazaqstandaǵy túzeý mekemeleriniń basym bóligi xalyqaralyq standarttarǵa saı kelmeıdi. Sebebi olar bizge sonaý GÝLAG zamanynan muraǵa qalǵan. Ol kezde olar negizinen Qaraǵandy oblysynda kóp shoǵyrlandy", - deıdi ol Ortalyq kommýnıkatsııalar qyzmetinde ótken baspasóz máslıxatynda.
Onyń sózi boıynsha, Úkimet jáne ІІM túzeý mekemelerindegi jaǵdaıdy jaqsartý boıynsha jumystardy atqarýda.
"Jóndeý jáne jańǵyrtý jumystary qolǵa alyndy. Sońǵy úsh jylda tórt túzeý mekemesi tolyqtaı jóndeldi. Aǵymdaǵy jyly taǵy bireýi jóndeledi. Bul túrmelerdiń barlyǵy xalyqaralyq normalarǵa saı keledi jáne árbir sottalýshyny jeke-jeke ornalastyrýǵa múmkindik beredi. Bul sottalýshylardyń qaýipsizdigin qamtamasyz etetin eń birinshi shart.
Sonymen qatar mekemelerdi qysqartý, ońtaılandyrý jáne olardy jabý boıynsha sharalar qabyldanýda. Eki jyldyń ishinde biz eki mekemeni japtyq jáne aǵymdaǵy jyly taǵy altaýyn jabamyz", - dep atap ótti A. Bazylbekov.
