Qazaqstanda bıyl 6 mıllıon adamǵa koronavırýsqa qarsy vaktsına salý kózdelgen
«Jyl sońyna deıin 6 mıllıonǵa jýyq qazaqstandyq azamatqa vaktsına salý kózdelgen. Vaktsınalardyń sapasyn qamtamasyz etý úshin óndirýshiden medıtsına uıymdaryna deıin arnaıy standart jaýapkershilik júkteletin azamattardy belgileıdi», - dedi dedi Alekseı Tsoı Úkimet otyrysynda.
Vaktsınany jetkizý legi 4 kezeńnen turady.
• Birinshi kezeń - óndirýshiden biryńǵaı dıstrıbıýtordyń qoımasyna deıin jetkizý;
• Ekinshi kezeń – biryńǵaı dıstrıbıýtordyń qoımasynan Densaýlyq saqtaý basqarmalarynyń dárihanalyq qoımasyna deıin jetkizý;
• Úshinshi kezeń - densaýlyq saqtaý basqarmalarynyń dárihanalyq qoımasynan aýdandar men qalalardyń medıtsına uıymdaryna deıin jetkizý;
• Tórtinshi kezeń – medıtsına uıymdarynda osy vaktsınalardy saqtaý.
Aıta keteıik, buǵan deıin mınıstr vaktsına 1 aqpannan bastap egiletinin jáne eń aldymen kimderge salynatynyn aıtqan bolatyn.