Qazaqstanda bıyl 6,8 mln. sharshy metr baspana tapsyrylady
ASTANA. 26 jeltoqsan. QazAqparat - Bıylǵy jyldyń qorytyndysy boıynsha Úkimet 6,8 mln. sharshy metr turǵyn úıdi tapsyrýdy josparlap otyr. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda Úkimet basshysynyń birinshi orynbasary Baqytjan Saǵyntaev málim etti.
«Qurylys sektorynda ótken jyldan beri oń qarqyn saqtalýda. Ósim 2,9 paıyz deńgeıinde», - dedi B. Saǵyntaev.
Onyń sózine qaraǵanda, respýblıka aýmaǵynda «Qoljetimdi baspana - 2020» baǵdarlamasy belsendi júzege asyrylýda. Atap aıtqanda, budan buryn barlyq qarjylandyrý kózderi boıynsha 2013 jyly 6,6 mln. sharshy metr turǵyn úıdi tapsyrý qarastyrylǵan bolatyn. Úkimet basshysynyń birinshi orynbasarynyń aıtýynsha, bul baǵytta endi 6,8 mln. sharshy metr baspana paıdalanýǵa berilmek.
