Qazaqstanda bıyl 560 myń tonna munaı-gaz-hımııa ónimderi óndiriledi
«2021 jyldyń qorytyndysy boıynsha munaı-gaz-hımııa ónimderin óndirý kólemi 190 myń tonnany qurady. 2021 jyly qýaty 57 myń tonna oktan kótergish qospa shyǵaratyn zaýyt, sondaı-aq qýaty 54 mln tekshe metr tehnıkalyq gaz jáne 34 mln tekshe metr qurǵaq syǵylǵan aýa shyǵaratyn qondyrǵylar iske qosyldy. Atyraý oblysynda arnaıy ekonomıkalyq aımaqtyń ınfraqurylymdyq nysandar tolyǵymen iske qosyldy. 2022 jyly josparlanǵan óndiris kólemi 560 myń tonnany quraıdy», - dedi ol mınıstrliktiń keńeıtilgen alqa otyrysynda.
Sonymen qatar mınıstr salada basqa da birqatar iri joba iske asyrylatyndyǵyn aıtty.
«Bıyl qýaty jylyna 500 myń tonna polıpropılen óndiretin zaýytty iske qosý josparlanǵan. Sondaı-aq, qýaty jylyna 1 mln tonna tereftal qyshqyly men polıetılentereftalat óndirisi, qýaty jylyna 1,25 mln tonna polıetılen jáne qýaty jylyna 186 myń tonna býtadıen boıynsha iri jobalardy iske asyrýǵa nazar aýdarylatyn bolady. Investıtsııalardyń jalpy kólemi shamamen 10 mlrd AQSh dollary», - dedi Bolat Aqsholaqov.
