Qazaqstanda bıyl 35 myń jas jigit ásker qataryn tolyqtyrady
«Kóktemde 17 myń qazaqstandyqty ásker qataryna shaqyrý kózdelip otyr. Jalpy, ásker qataryna shaqyrý - jergilikti atqarýshy organdar men ózge de memlekettik organdar birlese atqaratyn keshendi jumys», - dedi OKQ-da ótken baspasóz máslıhatynda QR Qarýly Kúshteri Bas shtaby uıymdastyrý-jumyldyrý jumystary departamenti Jasaqtaý basqarmasynyń bastyǵy, departament bastyǵynyń orynbasary Azamat Dýsımov.
Onyń aıtýynsha, jalpy bıyl Qazaqstanda 35 myńǵa jýyq jastardy ásker qataryna alý kózdeýde. Qazirgi tańda Ulttyq gvardııa, Shekara qyzmetimen birlesken Qorǵanys mınıstrliginiń negizgi tapsyrmalarynyń biri - qarýly kúshter qataryna shaqyrylýshylar týraly aldyn ala málimetti zerdeleý bolyp otyr.
«Ata-analarymen, asyrap alýshylarymen, kórshileri men ýchaskelik polıtsııasymen keńes jumystary júrgizilip jatyr. Jastardyń moraldyq jáne jigerli qasıetteri, densaýlyq jaılary, bilimi men otbasylyq jaǵdaılary boıynsha jınaqtalǵan málimetterdiń negizinde áskerge shaqyrylýshylar týraly naqty aqparat belgili bolady», - dedi ol.
