Qazaqstanda bıyl 15-16 mln. tonna astyq jınaý kózdelip otyr
ASTANA. 3 sáýir. QazAqparat - Aýyl sharýashylyǵy salasynyń mamandary bıyl jınalatyn astyq kólemi 15-16 mıllıon tonna kóleminde bolady dep boljap otyr.
Bul týraly búgin osy máselege baılanysty jýrnalıstermen bolǵan baspasóz máslıhatynda «Qazagroınnovatsııa» aktsıonerlik qoǵamynyń basqarma tóraǵasy Serik Kenenbaev málim etti.
Onyń málimetterine qaraǵanda, bıylǵy 2012 jyly eldegi egistik kólemi 21,2 mıllıon gektardy qurap otyr. Onyń ishinde astyq egiletin alqap 16 mılllıon gektardy alyp jatyr. «Bizdegi egistik kóleminiń basty bóligi qaterli aımaqtarda ornalasqan. ıAǵnı egistik alqaptary sýarylmaıtyn jerlerde. Qazaqstandaǵy sýarmaly jerdiń kólemi 1,8 mıllıon gektar. Al jalpy egistiktiń 21 mıllıon gektar ekendigin eskersek, sýarylmaıtyn jerlerdiń qanshalyqty az ekendigin birden baıqaýǵa bolady. ıAǵnı eginniń jaı-kúıi aýa raıyna da baılanysty bolyp otyr»,-dedi basqarma tóraǵasy.
Onyń derekterinshe, aýa raıy eginniń ónimdiligine áser etedi. Al byltyrǵy jyly qardyń az jaýyp, qystyń sýyq bolǵandyǵyn eskersek, bıyl ylǵal kólemi óte az bolǵaly otyr.
«Sondyqtan biz bıylǵy eginniń mol bolǵanyn qalasaq, astyq ósirý baǵytyndaǵy ǵylymı jetistikterdi tıimdi paıdalaný kerek. Bul birinshi kezekte ylǵaldy únemdeý tehnologııasymen baılanysty. Nóldik tehnologııa degen ataýmen belgili bul ádis qazir álemde keń taraǵan. Naqty málimetterge toqtalatyn bolsaq, osy ýaqytta ylǵaldy únemdeý tehnologııasy 1 mıllıon gektar jerde paıdalanylady. Sonymen qatar elde dándi daqyldardyń ystyq, sýyqqa tózimdi jańa túrlerin paıdalanǵan jón. Óıtkeni olar aýa raıyna nemese jerdiń ylǵaldylyǵyna qaramastan mol ónim bere beredi»,-dedi S.Kenebaev.
Sondaı-aq ol, ótken jyly ylǵaldyń az bolǵanymen, bıylǵy jyldyń kókteminde jaýyn-shashyn kóp bolsa, ol eginniń túsimine oń yqpal etetindigin atap ótti.
«Osy sebepti, aldaǵy jyly astyq kólemi az bolady degen qaýip týmaýy tıis. Biz astyq kólemin bıylǵy jyly orta eseppen alǵanda, 15-16 mıllıonǵa jetkizemiz dep josparlap otyrmyz»,-dedi maman.
