Qazaqstanda bıyl 14 myńǵa tarta adamnyń júregine operatsııa jasaldy
ASTANA. QazAqparat - Elimizdiń medıtsınalyq uıymdarynda aǵymdaǵy jyldyń 3 aıy ishinde 13752 kardıohırýrgııalyq operatsııa jasaldy, onyń ishinde 2558 otany dárigerler ashyq júrekke jasaǵan. Bul týraly QR Densaýlyq saqtaý mınıstrliginiń baspasóz qyzmeti habarlady.
Joǵary tehnologııalyq medıtsınalyq kómektiń mundaı túri respýblıka óńirlerinde belsendi túrde damı bastady. Aıtalyq, ashyq júrekke atqarylǵan barlyq operatsııalardyń jartysynan astamy (54%) óńirlik klınıkalardyń úlesine tıedi.
Atalǵan merzim ishinde týa bitken júrek aqaýy bar balalarǵa mundaı 562 kúrdeli operatsııa jasaldy.
