Qazaqstanda bıyl 10 aıda 66,4 mıllıard kVt/saǵ. elektr energııasy óndirildi - Indýstrııa jáne jańa tehnologııalar vıtse-mınıstri
ALMATY. 2 qarasha. QazAqparat /Erlik Erjanuly/ - Qazaqstanda bıyl 10 aıda ótken jyldyń sáıkes kezeńimen salystyrǵanda elektr energııasyn óndirý 105,9 paıyzǵa, al tutyný 108,6 paıyzǵa ulǵaıdy. Bul búgin Almatyda ótip jatqan Energetıkter forýmynda aıtyldy.
"Jedel málimetter boıynsha Qazaqstanda aǵymdaǵy jyly 10 aıda 66,4 mıllıard kVt/saǵ. elektr energııasy óndirildi. Al elektr energııasyn tutyný kólemi 67, 8 mıllıard kVt/saǵ. boldy. 2014 jylǵa deıingi baǵdarlama boıynsha keleshekte elektr energııasyn tutyný kólemi jyl saıyn orta eseppen 4 paıyzǵa jýyq artyp otyrmaq. Sonyń nátıjesinde 2014 jyly elektr energııasyn óndirý 97,9 mıllıard kVts bolsa, tutyný 96,8 mıllıard kVt/saǵ. bolady dep boljanýda", - deıdi QR Inýdstrııa jáne jańa tehnologııalar vıtse-mınıstri Dúısenbaı Turǵanov.
Onyń aıtýynsha, Údemeli ındýstrıalyq-ınnovatsııalyq damý jónindegi memlekettik baǵdarlama boıynsha aǵymdaǵy jyly 144 jobany júzege asyrý josparlanyp otyr. Alǵashqy jartyjyldyqta onyń 72-si iske qosyldy. Olardyń ishinde elektr energııasy salasyndaǵy qýaty 54 Mvt bolatyn Oral GJES-nyń birinshi týrbogeneratory jáne 3,5 MVt.Qaratal GES-i bar.
Sondaı-aq 300 MVt. Moınaq GES-i, 87 MVt. Aqshabulaq GJES-i, 500 MVt. Ekibaztuz GRES-1-diń 3-energoblogyn, 1320 Mvt. Balqash JES-nyń qurylysyn, 500 kV "Alma" kishi stantsııasyn jáne 500 Mvt. Ekibaztuz GRES-1-diń №8 blogyn, 325 Mvt. Aqsý GRES-iniń №2 blogyn qalpyna keltirý jáne Shardara GES-i pen NES jańartý jumystary júrip jatyr.
