Qazaqstanda Biryńǵaı jınaqtaýshy zeınetaqy qory quryldy
ASTANA. 8 tamyz. QazAqparat - Memlekettik jınaqtaýshy zeınetaqy qorynyń (MJZQ) bazasynda Biryńǵaı jınaqtaýshy zeınetaqy qory (BJZQ) quryldy. Úkimettiń sáıkes qaýlysy Qazaqstan Respýblıkasynyń «Ádilet» normatıvtik-quqyqtyq aktisi aqparattyq-quqyqtyq júıesiniń saıtynda jarııalanǵan, dep habarlady primeminister.kz.
«Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıteti belgilengen zańnamalyq tártipte Qazaqstan Respýblıkasynyń Ulttyq Bankine tıesili «MJZQ» Jınaqtaýshy zeınetaqy qory» aktsıonerlik qoǵamynyń aktsııalar paketin qabyldasyn», - delingen qaýlyda.
Budan ózge, qujatqa sáıkes, «MJZQ» AQ «Biryńǵaı jınaqtaýshy zeınetaqy qory» kommertsııalyq emes aktsıonerlik qoǵamy bolyp aty ózgertildi.
Burynyraq QR Premer-Mınıstriniń orynbasary Qaırat Kelimbetov BJZQ-nyń menshik ıesi QR Úkimeti bolatynyn málimdegen edi. Biryńǵaı jınaqtaýshy zeınetaqy qoryn qurý jınaqtaýshy zeınetaqy júıesiniń prıntsıpterine esh áser etpeıdi: Biryńǵaı jınaqtaýshy zeınetaqy qorynda da jeke jınaqtaýshy shottar júıesi saqtalady.
Sonymen qatar, vıtse-premer óz málimdemesinde «mindetti zeınetaqy salymdarynyń barlyq túrleri boıynsha olardyń birtutastyǵy boıynsha memlekettik kepildik saqtalady. Azamattardyń zeınetaqylyq jınaǵyn tolyq kólemde aýdarý júzege asyrylatynyn» atap ótken bolatyn.
Esterińizge sala keteıik, QR Prezıdenti Nursultan Nazarbaev 2013 jyldyń 23 qańtarynda QR Úkimetiniń keńeıtilgen otyrysy barysynda JZQ salymshylarynyń jeke zeınetaqy shottarynyń bárin Biryńǵaı zeınetaqy qoryna berýdi tapsyrǵan edi.
