Qazaqstanda biryńǵaı elektrondyq arhıv qurylady
Astanada muraǵat salasyndaǵy jańashyldyqtar men ózekti máselelerdi talqyǵa salǵan jıyn ótti. Biryńǵaı aqparattyq keńistikti qurý úshin jınaqtaý irikteý, saqtaý, izdeý úderisi birtindep avtomattandyrylmaq. Memlekettik organdardyń elektrondyq qujattarynyń qoımasyn qurý jumysyn Mádenıet jáne sport mınıstrligi bıyl qolǵa aldy. Qazirgi ýaqytta ulttyq qordyń 2 paıyzy tsıfrlyq túrge kóshirildi. Onda 23 mln-ǵa jýyq qujat saqtalyp túr.
Ózekti máselelerdiń biri - memlekettik arhıv qoımalarynyń jetispeýshiligi. Oǵan qosa bilikti mamandar tapshy. Jalaqy az bolǵandyqtan, jastardyń bul qyzmetke kelgileri joq. Olqylyq ornyn toltyrý úshin bıyl ál-Farabı atyndaǵy Qazaq ulttyq ýnıversıtetimen kelisim jasalǵan.
«Mınıstrlik tarapynan grant bólý máselesi qolǵa alyndy. Bıyl Arhıv isi boıynsha doktorantýra ashyldy. Bir jylǵa 20 grant bólindi QazUÝ-ǵa. Biz biliktilik kýrstaryn arhıv isi mamandyqtary úshin jyl saıyn turaqty túrde ótkizemiz», - deıdi Arhıv isi jáne qujattama departamentiniń basqarma basshysy Gúlzıra Qarsaqbaeva.
