Qazaqstanda biryńǵaı bıznes-tizilim iske qosylady

NUR-SULTAN. QazAqparat – «Atameken» Ulttyq kásipkerler palatasy Prezıdıýmynyń VI Sezinde «Digital Atameken» jańa damý modeli jaıly aıtyldy, dep habarlaıdy QazAqparat tilshisi.

«Atameken» ókilderiniń málimdeýinshe, Ulttyq palata «tsıfrlandyrýdyń kómegimen eldegi mıllıondaǵan kásipker úshin tıimdi ınstıtýt» bolýdy kózdep otyr.

«Bizdiń jańa maqsatty modelimiz bolady. Biz tsıfrlyq keńistikke qadam basyp, palata qyzmetin barynsha tsıfrlandyramyz. Ol qyzmetterdi alýdyń mobıldiligin arttyrady. Memlekettik organdardyń esigin tozdyrýdyń qajeti joq, úıde nemese keńsede otyryp-aq is tyndyrýǵa bolady. Bul ári ýaqytty da qysqartady», - deıdi Palata tóraǵasynyń orynbasary Oljas Ordabaev.

Onyń aıtýynsha, Ulttyq palata servısteriniń barlyǵy endi biryńǵaı tsıfrlyq platformaǵa salynady.

Budan tys, UKP kásipkerlik sýbektileriniń biryńǵaı bıznes-tizilimin quryp jatyr. Tizilim memlekettik organdardyń barlyǵynyń derekqorymen úılestiriledi. Biryńǵaı bıznes-tizilim 2020 jyldyń ekinshi toqsanynda iske qosylýy múmkin.

Aıta keteıik, 2019 jyly «Atameken» 5 satyp alý alańy men 100 myńnan astam taýardan quralǵan «Satyp alýlardyń biryńǵaı terezesin» iske qosqan.

Avtory: Aqbota Kúzekbaı