Qazaqstanda biryńǵaı agrarlyq salyq engizilmek
Úkimet basshysynyń atap ótýinshe, jer jáne salyq qatynastaryn retteýdiń qalyptasqan ekonomıkalyq tetikteri fermerlerdi mańyzdy salalyq resýrsty - jerdi tıimdi paıdalanýǵa yntalandyrmaı otyr. Buǵan qosa, irgeles elderdiń biryńǵaı ekonomıkalyq keńistigindegi osyndaı óndirýshilerimen básekelestik birdeı emes. Sondaı-aq tıimdi óndirýshiler aınalymynan qarajat pen kiristiń aıtarlyqtaı bóligin alyp, udaıy óndiristi keńeıtýdi jáne salany damytýdy shekteıdi.
«Osyǵan oraı Aýyl sharýashylyǵy mınıstrligi aýyl sharýashylyǵy maqsatyndaǵy jerlerdi berýdi jeńildetý jáne konkýrs ótkizý tártibin jetildirýge baǵyttalǵan normatıvtik-quqyqtyq aktini qabyldady. Sonymen qatar bekitilgen tártippen aýyl sharýashylyǵy maqsatyndaǵy jerge jer salyǵy stavkasyn kóterý jáne biryńǵaı agrarlyq salyq engizý arqyly aýyl sharýashylyǵyndaǵy salyq saıasatyn jetildirý máselesin qarastyryp jatyr», - dedi Asqar Mamın.
Premer-mınıstr depýtattarǵa bergen jaýabynda bıyl Jer resýrstarynyń biryńǵaı veb-portaly iske qosylyp, barlyq jaıylym tsıfrlandyrylatyndyǵyn atap ótken.
