Qazaqstanda birqatar tele jáne radıoarnalar bir kúnge óshiriledi
ASTANA. QazAqparat - Ulttyq teleradıo habarlaryn taratý operatory «Qazteleradıo» AQ aldyn-alý jumystarynyń júrgizilýine baılanysty birqatar tele jáne radıo arnalardyń jumysyn bir kúnge toqtatady, dep habarlaıdy «QazAqparat» HAA atalǵan kompanııanyń baspasóz qyzmetine siltememen.
«Arnalardy óshirý 18 sáýir kúni Astana ýaqytymen saǵat 03:00-den 17:00-ge deıin júzege asyrylady» delingen habarlamada.
Sondaı-aq, kompanııa keltirgen málimet boıynsha, josparly aldyn alý jumystaryn júzege asyrý barysynda qandaı da bolsyn memlekettik jáne kommertsııalyq telearnalardy qosý múmkin bolmaıdy.
Aldyn alý jumystarynyń bastalý ýaqyty kúndelikti taratylatyn barlyq baǵdarlama setkasynyń aıaqtalýymen baılanysty. Kóptegen telearnalardyń ortasha táýliktik habar taratý ýaqyty 20 saǵatty quraıdy. Radıobaılanys salasynda táýlik boıy jumys isteıtin radıostantsııalardy qospaǵanda, televızııalyq jáne radıokompanııalar tarapynan habar taratýdyń jyldyq kólemin qurastyrǵan kezde, aldyn-alý jumystaryna arnalǵan ýaqyt esepke alynady. Jabdyqty jóndeý jáne aldyn ala tekserý onyń barlyq kezeń ishinde úzdiksiz jumys isteýin qamtamasyz etedi.
Aldyn-alý jumystarynyń uzaqtyǵy keshki saǵat 17:00-ge deıin júrgizilý sebebi barlyq tehnologııalyq jabdyqta jumys isteý úshin kúndizgi ýaqytty paıdalaný qajettiligimen, sondaı-aq antennalyq-dińgektik qurylǵylarda (ADQ) ornalasqan antennalyq-fıder qurylǵylarynyń (AFQ) jaı-kúıin tekserý qajettiligimen baılanysty. Sondyqtan, bıik ǵımarattarda jumys isteý kezinde qaýipsizdik erejelerin saqtaý úshin kúndizgi ýaqytty paıdalaný qajet.
Foto: euroradio.fm
