Qazaqstanda birqatar laýazymdy tulǵalar para alǵany úshin ustaldy
ASTANA. QazAqparat - Ótken aptada Sybaılas jemqorlyqqa qarsy qyzmet birqatar júıeli sybaılas jemqorlyq faktilerin anyqtady, nátıjesinde birqatar laýazymda tulǵalar ustaldy.
Vedomstvonyń aqparatyna sáıkes, Indýstrıaldyq damý jáne ónerkásiptik qaýipsizdik komıtetiniń Almaty oblysy boıynsha departamentiniń basshysy júıeli negizde baǵynysty qyzmetkerlermen qylmystyq sóz baılasyp, qaýipti tehnıkalyq qurylǵylardy ornatqany jáne esepten alǵany, gazben jabdyqtaý nysandaryna jobalardy keliskeni úshin kásipkerlerden 50-den 200 myń teńgege deıin para alyp otyrǵan. Kúdiktiniń jalpy somasy 640 myń teńge para alǵany týraly birqatar faktiler anyqtaldy.
Sondaı-aq Aqtóbe oblysy memlekettik tabys departamentiniń ekonomıkalyq tergeý qyzmeti bóliminiń basshysy ustaldy. Ol Aqtóbe oblysy MTD basqarmasy basshynyń orynbasarymen aldyn ala sóz baılasyp, tulǵalar tobymen bopsalaý arqyly «MILHAÝS» JShS basshysyn qylmystyq jaýapkershilikten bosatqany úshin jeke 15 000 dollar kóleminde para alǵan.
Budan basqa «Pavlodar q. Tótenshe jaǵdaılar basqarmasy» MM basshysy, órtke qarsy qyzmet polkovnıgi «Rashat and Company» JShS zańgerimen qylmystyq sóz baılasyp, Pavlodar q. kommertsııalyq nysandardy paıdalanýǵa engizý aktilerin keliskenine para alǵany úshin áshkerelendi. Bul rette laýazymdy tulǵanyń zańsyz qyzmetiniń artynda jyljymaıtyn múlik nysandaryn paıdalanýǵa berý nemese qaıta jóndeý jobalaryn oń sheshkeni úshin somasy 500-den 1000 dollarǵa deıin para mólsheri anyqtaldy.
Sonymen 2015 jylǵy 22 mamyrda (Pavlodar q. kommertsııalyq nysandy paıdalanýǵa engizý boıynsha qabyldaý komıssııasynyń aktilerin zańsyz keliskeni úshin) deldal arqyly 90 myń teńge kóleminde para aldy degen kúdikpen atalmysh laýazymdy tulǵa ustaldy.
