Qazaqstanda birqatar baǵyt boıynsha temirjol bıletterin 25% jeńildikpen satyp alýǵa bolady

ASTANA. QazAqparat - Qazaqstanda áleýmettik mańyzy bar baǵdarlar boıynsha jolaýshylardy temirjol kóligimen tasymaldaý jónindegi qyzmetterdiń shekti tarıfterin anyqtaýdyń jańa ádistemesi bekitildi. Soǵan sáıkes, satyp alǵan kúnine jáne poıyzdardyń júktemesine baılanysty bılet baǵasynyń ózgerýin qarastyratyn dınamıkalyq tarıftik baǵany belgileý engizildi, dep habarlaıdy QR IDM baspasóz qyzmeti.

Birinshi kezeńde dınamıkalyq baǵany belgileý pılottyq rejımi eki oblysaralyq jáne qala mańyna qatynaıtyn baǵyttarǵa engizildi. Olar Almaty-Astana-Nurly jol №3/4, Astana 1-Saryaǵash №085/086 baǵyttary. Al, 8 naýryzdan bastap Astana-Qaraǵandy №853/854 baǵytyna engizilmek. Keıin jańa tártip  áleýmettik mańyzy bar barlyq qatynastar boıynsha júretin poıyzdardy qamtıtyn bolady.  

Atalǵan poıyzdarda «-25%» jáne  «+25%» dálizinde dınamıkalyq baǵa belgileýdi qamtıtyn tarıftik baǵalar kestesi engizildi. Osylaısha, bıletti erterek satyp alatyn  jolaýshynyń ony bazalyq baǵadan tómen baǵada satyp alý múmkindigi bar. Poıyzdyń júretin kúni jaqyndaǵanda jáne belgili bir baǵytqa suranys artqan kezde bılet quny ósetin bolady.

Joǵaryda kórsetilgen poıyzdarǵa bıletterdi 2018 jyldyń 23 qańtarynan bastap satyp alýǵa bolady.