Qazaqstanda birinshi bolyp Aqtóbe mektebi oqýshyny bet-álpetin taný arqyly kirgizedi
Aqtóbede Ábish Kekilbaıuly atyndaǵy №72 IT mektep-lıtseıinde pılottyq rejımde balalar men pedagogtarǵa arnalǵan mektepke bıometrııa arqyly kirý engizildi.
Alaqan Mektep júıesi ıdentıfıkator retinde alaqan tamyrlarynyń bıometrııasyna negizdelgen, ol saýsaq izimen salystyrǵanda kúrdelirek jáne ózindik erekshelikteri bar.
Oblys ákimi Eraly Toǵjanov júıeniń jumys isteý barysymen jáne onyń artyqshylyqtarymen tanysty.
Mektep-lıtseı ókilderiniń aıtýynsha, Alaqan Mektep - bilim berý uıymdarynda qaýipsizdikti qamtamasyz etetin jáne oqý protsesin tsıfrlandyrýǵa múmkindik beretin biryńǵaı ekojúıe.
Alaqandy sensorǵa qoıý arqyly oqýshylar kitaphanadan kitaptar alyp-tapsyryp, ashanada tólem jasaı alady.
Al ata-analar balanyń mektepten kelý jáne ketý ýaqyty týraly bile otyra, mobıldi qosymsha arqyly ashanada balalarynyń máziri men shyǵyndaryn baqylaı alady.
Alaqan Mektep kómegimen kitaphana jumysyn avtomattandyrý arqyly onyń qyzmetin jańa deńgeıge shyǵarýǵa, mektepter arasyndaǵy kitaptar qozǵalysynyń protsesterin tsıfrlandyra otyryp, óńirdegi barlyq mektepterdiń biryńǵaı kitap qoryn qurýǵa múmkindik beredi.
«Bilim berý nysandarynda basym mindetterdiń qatarynda qolaıly jáne qaýipsiz ortany qalyptastyrý. Jobanyń tıimdi júzege asýy nátıjesinde onyń aýqymyn keńeıtý máselesi qarastyrylady», - dep qorytyndylady oblys ákimi.
