Qazaqstanda biregeı mashına konstrýktsııanyń seısmıkalyq tózimdiligin tekseredi

NUR-SULTAN. QazAqparat - TMD elderiniń ishinde Qazaqstan ǵana synalatyn konstrýktsııany rezonansqa engizetin, sol arqyly 9 baldyq jer silkinisine jasaıtyn biregeı V-3 vıbrodınamıkalyq mashınasyn saqtap qaldy, dep habarlaıdy QazAqparat Indýstrııa jáne ınfraqurylymdyq damý mınıstrliginiń Qurylys jáne turǵyn úı-kommýnaldyq sharýashylyq isteri komıtetine silteme jasap.

Seısmıkalyq tózimdilikti tekseretin synaqtardy Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) ǵalymdary júrgizedi.

2020 jyldyń sońynda «QazQSǴZI» AQ mamandary jańa zamanaýı Modex zaýytynda shyǵarylǵan kólemdi bloktardy aýqymdy synaýdyń kelesi kezeńin aıaqtady.

Kólemdi bloktardy qoldanatyn modýldik turǵyn úı qurylysy Qazaqstanda buryn qoldanylmaǵan, sondyqtan oǵan ǵylymı zertteý men eksperıment júrgizý qajet. Bul synaqtar Qazaqstan úshin mańyzdy, óıtkeni modýldi bloktardy paıdalaný qurylys salý ýaqytyn aıtarlyqtaı qysqartady. Máselen, bolashaqta 16 qabatty turǵyn úı salýǵa tórt aı ǵana ýaqyt ketedi.

«Mamandar únemi osyǵan deıin elde qoldanylmaǵan qurylymdardyń seısmıkalyq tózimdiligin eksperımentaldy túrde tekserip otyrady. Tekserý nátıjesi boıynsha jańa qurylymdy jer silkinisi qaýpi bar aýdandarda paıdalaný múmkindigi nemese múmkin emestigi týraly qorytyndy jasalady», - Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov,