Qazaqstanda bir jylǵa jýyq ýaqyt ishinde 11 myńnan astam qaryz qaıta qarjylandyryldy
ALMATY. QazAqparat - Qazaqstanda Ipotekalyq turǵyn úı qaryzdaryn/ıpotekalyq qaryzdardy qaıta qarjylandyrý baǵdarlamasy boıynsha 15 sáýirdegi jaǵdaı boıynsha ekinshi deńgeıdegi bankterge barlyǵy 21 141 ótinim kelip tústi.
Olardyń ishinde 14 155 ótinim maquldandy, al 11 020 qaryz qaıta qarjylandyryldy. Qaıta qarjylandyrý baǵdarlamasy sheńberinde bankterge bólingen 130 mlrd. teńgeden qalǵan qaldyq - 73,6 mlrd. teńgeni qurady. Bul týraly búgin QR Ulttyq Bankiniń baspasóz qyzmetinen habarlady.
Aıta ketelik, 2015 jyly QR Prezıdentiniń tapsyrmasyn oryndaý maqsatynda ıpotekalyq qaryz alýshylardyń problemalaryn sheshý sharalarynyń biri retinde QR Ulttyq Banki QR Úkimetimen birlese otyryp, Ulttyq Bank qarajatynan 130,0 mlrd. teńgeni bólý týraly sheshim qabyldaǵan bolatyn. Ulttyq Bank Basqarmasy 2015 jylǵy sáýirde Ipotekalyq turǵyn úı qaryzdaryn/ıpotekalyq qaryzdardy qaıta qarjylandyrý baǵdarlamasyn bekitti. Naqty muqtaj qaryz alýshylarǵa kómek kórsetý úshin Baǵdarlamada qaıta qarjylandyrylýy tıis qaryzdardyń naqty krıterııleri aıqyndalyp kórsetilgen.
