Qazaqstanda bir jyldyń ishinde qaraqumyq baǵasy 26,4% arzandaǵan
ASTANA. QazAqparat - Qazaqstanda aýyl sharýashylyǵy ónimderiniń baǵasy 2017 jyldyń jeltoqsanymen salystyrǵanda 2018 jyldyń qazanynda 4,7% kóterildi, dep habarlaıdy QazAqparat tilshisi QR Ulttyq ekonomıka mınıstrligi Statıstıka komıtetine silteme jasap.
Atap aıtqanda, eseptik kezeńde nan, un, makaron, bólke jáne unnan jasalǵan ónimder, et jáne et ónimderi, balyq jáne teńiz ónimderi, sút ónimderi, jumyrtqa, maılar, qant, kondıterlik ónimder, jemister men kókónister, alkogolsiz sýsyndar jáne alkogol ishimdikteri qymabattap, jarma - arzandaǵan.
Sondaı-aq, jarma ónimderi túrleriniń baǵalary da ózgergen. Mysaly, kúrishtiń bir kelisiniń ortasha baǵasy bıyl qazanda 314 teńge bolsa, byltyr 289 teńgeni quraǵan. Al, qaraqumyq - 248 teńge (byltyr 337 teńge). 2018 jyldyń qazanynda sút ónimderiniń ortasha baǵasy kelisine 1585 teńge (2017 jyldyń qazanynda - 1462 teńge), qaımaq - 1047 teńge (967 teńge), máıek irimshigi - 2461 teńge (2189 teńge), aıran - 282 teńge (266 teńge), pasterlengen sút - 222 teńge (211 teńge) bolǵan.
