Qazaqstanda bir jeke sot oryndaýshy 20 myń turǵynǵa qyzmet etedi
Mınıstrdiń aıtýynsha, qazirgi kúni vedomstvo Jeke sot oryndaýshylar palatasymen birlesip, jeke sot oryndaýshylarynyń sanyn kóbeıtý baǵytynda jumystar atqarýda. Osyǵan baılanysty aldaǵy ýaqytta oblystardyń barlyq aýdandarynda sot oryndaýshylar qyzmetimen qamtamasyz etý sharalary qoldanǵan.
«Qazir 1 200 jeke sot oryndaýshy bar. Bul 2015 jylǵy 1-toqsanymen salystyrǵanda 2 ese derlik kóp, al jeke oryndaý salasyndaǵy kómekshilerdi esepke alǵanda, 4 myńǵa jýyq adam tartyldy.
Osylaısha, tek Almatyda - 173, Astanada - 138, Ońtústik Qazaqstan oblysynda - 120, Qaraǵandy oblysynda - 116 jeke sot oryndaýshysy tirkeldi. Basqa óńirlerde de olardyń sany ósýde. Respýblıkanyń shamamen 20 myń turǵynyna bir jeke sot oryndaýshysy qyzmet kórsetedi. Bul kórsetkish eýropalyq standarttarǵa saı keledi», - dedi B. Imashev.
Degenmen, vedomstvo basshysynyń aıtýynsha, óńirlerdiń áleýmettik-ekonomıkalyq damýynyń aıyrmashylyǵyna, sondaı-aq halyqtyń diline baılanysty jeke sot oryndaýshylary sanynyń ósý qarqyny ár óńirde ár túrli bolyp otyr. «Máselen, batys jáne soltústik oblystarda jeke sot oryndaýshylarynyń sany áli de normatıvterge jetpegen jáne olar kórsetetin qyzmetterimen qamtylmaǵan aýdandar bar», - dedi ol.
