Qazaqstanda bir táýlikte koronavırýs qansha adamnan anyqtaldy
ASTANA. QazAqparat – Elimizde ótken bir táýlikte koronavırýsqa shaldyqqan 22 adam anyqtaldy, dep habarlaıdy QazAqparat Densaýlyq saqtaý mınıstrligine silteme jasap.
24 naýryzdaǵy jaǵdaı boıynsha, óńirlerde koronavırýs ınfektsııasynan 1 789 adam (koronavırýstan (KVI+) –1 619, pnevmonııadan (KVI-) – 170 KVI) emdelýde. Olardyń ishinde 140 patsıent statsıonarda, 1 649 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
- 5 adamnyń jaǵdaıy aýyr,
- 1 patsıenttiń jaǵdaıy óte aýyr,
- 2 naýqas ókpeni jasandy jeldetý apparatyna qosylǵan.
Sondaı-aq mınıstrlik málimetine súıensek, búginge deıin elimizde koronavırýsqa qarsy vaktsınanyń I komponentimen 10 864 671 adam egildi, II komponentpen - 10 637 893 adam. Revaktsınatsııalandy – 5 776 192 turǵyn.
