Qazaqstanda bir táýlikte 6 adam sýǵa ketti, sonyń ishinde 2 bala bar
ASTANA. QazAqparat - Qazaqstannyń sý qoımalaryna bir táýlikte 6 adam, sonyń ishinde 2 bala batyp ketti, dep habarlady QR TJM. Qostanaı oblysynyń Áýlıekól aýylynda kólge sýǵa túsý kezinde 2006 jáne 2008 jyldary týǵan eki bala batyp ketti. Olardyń máıitterin sýdan jergilikti turǵyndar alyp shyqty.
Qostanaıda Tobyl ózenine 18 jastaǵy jigit batyp ketti. Onyń máıiti sýdan Qostanaı oblysynyń TJD sýda qutqarý qyzmetiniń kúshimen tabylyp, shyǵaryldy.
Sonymen birge, Qaraǵandyda jasandy sý qoımasyna túsý kezinde 1988 jyly týǵan er adam batyp ketti. Saǵat 20.50 kezinde onyń máıiti sýdan Qaraǵandy oblysynyń TJD sýda qutqarý qyzmetiniń kúshimen shyǵaryldy.
Pavlodar oblysynyń Ertis ózenine ótken sársenbi kúni 1980 jáne 1984 jyldary týǵan eki azamat batyp ketti.
