Qazaqstanda bir táýlikte 583 adam qar qursaýynan qutqaryldy
ASTANA. QazAqparat - Qazaqstanda ótken táýlikte qar qursaýynan 583 adam shyǵarylyp, qutqaryldy. Onyń ishinde 34 bala boldy, dep habarlady QR TJM baspasóz qyzmetinen.
Almaty oblysynda "Kegen-Jalaýly" jolynyń boıyndaǵy jolda 15 jolaýshysymen 5 jeńil kólik qalyp qoıdy. Qutqarýshylar mashınalardy joldyń tazartylǵan bóligine shyǵardy.
Pavlodar oblysynda Aqsý aýdanynyń Evgenev jáne Úsh terek aýyldarynyń arasyndaǵy joldyń 8-shaqyrymynda qar qursaýynda tórt jolaýshysy bar mashına qalyp qoıǵan. Avtokólik TJD qyzmetkerlerimen joldyń tazartylǵan bóligine shyǵaryldy.
Aqsý aýdanynyń Paramonovka aýylynyń janyndaǵy 65-shaqyrymda 4 jolaýshysy bar Qyrǵyzstannyń «Mersedes» shaǵyn avtobýsy benzınniń qatyp qalýynan jolda qalǵan. Qutqarýshylar adamdardy Paramonovka aýylynyń mektebine jetkizdi.
Jambyl oblysynda 13.30-da «Almaty-Tashkent» jolynyń boıynda qar qursaýynda 53 mashına qaldy, onyń ishinde 8 jolaýshylar avtobýs, 45 jeńil kólik bar. Avtokólikterdiń salondarynda 520 adam bolǵan, olardyń 32-si balalar. Barlyq avtokólikter joldyń tazartylǵan bóligine shyǵaryldy.
Qaraǵandy oblysynyń Shet aýdanynda «Aqsý-Aıýly-Aqadyr» jolynyń boıynda qar qursaýynda qalǵan 8 adam qutqaryldy, onyń ishinde bir bala bar.
«Qyzylorda-Pavlodar» jolynyń boıynda qar qursaýynan 7 adam shyǵaryldy, onyń ishinde bir bala bar. Qyzylorda oblysynda «Qyzylorda-Jezqazǵan» jolynyń boıynda 40 jolaýshysymen 11 avtokólik qalǵan. Qutqarýshylar tehnıkany joldyń tazartylǵan bóligine shyǵardy.
Abyroı bolǵanda, jolda qalǵandardyń bári de din aman.
