Qazaqstanda bir táýlikte 5 bala sýǵa ketti
ASTANA. QazAqparat - Ótken táýlikte Qazaqstanda balalardyń sýǵa batýynyń 5 jaǵdaıy tirkeldi. Bul týraly QR ІІM Tótenshe jaǵdaılar komıtetinen habarlady.
«Aǵymdaǵy jyly 29 maýsymda OQO Qazyǵurt aýyly Keles ózeninde sýǵa túsip jatqanda 2005 jyly týǵan bala batyp ketti. Shymkent qalasynda abaısyzdan Qarasý ózenine qulaǵan 2012 jyly týǵan qyz sýǵa ketti. Almaty oblysynda eki balanyń ólimi tirkeldi. Eńbekshiqazaq aýdany Baltabaı aýylyndaǵy kólde shomylǵan 2000 jyly týǵan jetkinshek batty. 2001 jyly týǵan jasóspirim Jambyl aýdany Úmbetáli aýylynan 20 shaqyrym jerde ornalasqan karerde shomylyp batty. Jambyl oblysynda Merke ózenine 2009 jyly týǵan bala abaısyzdan qulap, batyp ketti», - delingen habarlamada.
Atalyp ótilgendeı, qaıǵyly oqıǵalardyń barlyǵy qutqarýshylar baqylamaıtyn jerlerde oryn alǵan, dep habarlady QR ІІM Tótenshe jaǵdaılar komıtetinen.
