Qazaqstanda bir táýlik ishinde 3 balanyń ajaly sýdan boldy
ASTANA. QazAqparat - Elimizde bir táýlik ishinde 4 adamnyń ajaly sýdan boldy, dep habarlaıdy QR TJM baspasóz qyzmetinen.
Astana qalasynyń Esil aýdany Telman kentinde «Nura-Esil» kanalyna keshe saǵat 13.45-te sýǵa túsý kezinde 1991 jyly týǵan azamat batyp ketti. Saǵat 14.00 kezinde onyń máıiti QR TJM Astana qalasynyń TJD sýda qutqarý qyzmetiniń kúshimen sýdan shyǵaryldy.
Al Qaraǵandy oblysynyń Buqar jyraý aýdany Kókpekti kentinde Kókpekti ózenine keshe keshki segizder shamasynda sýǵa túsý kezinde 1997 jáne 2004 jyly týǵan eki jasóspirim batyp ketti. Olardyń máıitterin sýdan on bes mınýt ótken soń jergilikti turǵyndar alyp shyqty.
Sondaı-aq Shymkent qalasynda Maıatas jasandy sý qoımasyna keshe saǵat 16.30 kezinde sýǵa túsý kezinde 2002 jyly týǵan jasóspirim batyp ketti. Onyń máıitin sýdan jergilikti turǵyndar alyp shyqty.
