Qazaqstanda bir táýlik ishinde 11 adam qutqaryldy
NUR-SULTAN. QazAqparat - Qazaqstanda bir táýlikte tirkelgen tótenshe jaǵdaılar týraly QR ІІM Tótenshe jaǵdaılar komıtetiniń tóraǵasy Vladımır Bekker aıtty, dep habarlaıdy QazAqparat tilshisi.
«Ótken táýliktiń ishinde TJD bólimsheleriniń qyzmetkerleri 254 márte tótenshe jaǵdaı oqıǵalarynyń ornyna bardy. Atap aıtqanda, ótken táýlikte el aýmaǵynda 65 órt jaǵdaıy, 124 ottyń tutaný jaǵdaıy, 44 apattyq-qutqarý jumystary men 4 izdeý-qutqarý jumystary júrgizildi. Ártúrli sıpatta 15 jaǵdaı tirkelip, 2 habarlamanyń jalǵan ekeni anyqtaldy. 11 adam qutqaryldy. Olardyń ekeýi bala», - dedi Vladımır Bekker.
Komıtet tóraǵasy óz baıandamasynda 3 tabıǵı órt jaǵdaıynyń jáne 1 gaz balonnyń jarylý oqıǵasy tirkelgenin aıtty.
Eske sala ketsek, búgingi baıandamasynda Vladımır Bekker Almaty oblysynyń Jambyl aýdanynyń Eńbekshiaral aýylynda tirkelgen qaıǵyly oqıǵa týraly aıtqan bolatyn.
