Qazaqstanda bir kúnde dárini qymbatqa satqan 46 adam ustaldy
«6 shildeden beri polıtsııaǵa 46 adam jetkizildi. Olardan dári-dármektiń túr-túriniń 20884 qaptamasy, naqtyraq aıtqanda 2600 qaptamadan glıýkoza men fersınol, 2200 qaptama atsetılsalıtsıl qyshqyly, 654 qaptama paratsetamol tárkilendi. ıAǵnı paıda tabý maqsatyndaǵy saýdalaý jaǵdaıy tirkelýde. Osylardyń bári de naryqta dúrbeleń týǵyzýda», - dedi Densaýlyq saqtaý mınıstri Alekseı Tsoı OKQ-da ótken baspasóz máslıhatynda.
Eske sala ketsek buǵan deıin Alekseı Tsoı óńirlerde dári-dármekti qymbattata satatyn alypsatarlardyń áreketine qalaı shekteý qoıylyp jatqanyn aıtyp bergen bolatyn. Onyń aıtýynsha, Qazaqstannyń barlyq óńirinde ákimdikter janynan monıtorıng toptary qurylǵan. Qoǵamdyq keńester men úkimettik emes uıymdar da preparattar baǵasyn baqylaý jumysyna belsene atsalysýda.