Qazaqstanda bir aıdyń ishinde 91 myńnan astam kólik tirkeýge qoıyldy
ASTANA. QazAqparat - Aǵymdaǵy jyldyń naýryz aıynda Qazaqstanda 91 160 kólik quraly tirkeýge qoıyldy, dep habarlaıdy QazAqparat.
Qazaqstandyq avtobıznes qaýymdastyǵynyń málimetinshe, 2018 jyldyń naýryz aıynda ishki ister organdary 91 160 avtomobıldi tirkedi. Bul aqpan aıyna qaraǵanda 3,2 paıyzǵa artyq. Al osy jylǵy birinshi toqsannyń qorytyndysynda 259 810 avtokólik tirkeýge alyndy. Bul kórsetkish 2017 jylmen salystyrǵanda 18,4 paıyzǵa kóp.
Osy jyldyń basynan beri alǵash ret tirkelgen avtokólikter sanynyń ósýi baıqalady. Úsh aıdyń qorytyndysy boıynsha Qazaqstanda 16 649 birlik tehnıkanyń barlyq túrleri tirkelgen. Bul ótken jyldyń sáıkes kezeńimen salystyrǵanda 5 234 avtomobılge artyq.
Al birinshi toqsanda qaıta tirkeýge 243 161 avtokólik alyndy, Bul tirkelgen jalpy kólik sanynyń 93,6 paıyzyn quraıdy. Qaıta tirkelgen kólikterdiń shamamen 65 paıyzy - 2008 jylǵa deıin shyǵarylǵan (169 349 birlik). 3 jyldan 10 jylǵa deıingi tehnıkalar sany - 65 364, 3 jylǵa deıingileri - 24 861 birlik.
Birinshi toqsannyń qorytyndysynda 40 852 Toyota tirkeldi. Odan keıingi orynda Lada (VAZ) (35 032) kóligi tur. Al úshinshi orynda shyǵarylǵanyna 10 jyldan asqan Mercedes-Benz (Daimler) avtomobıli. Esepti kezeń ishinde 19 108 atalǵan kólik túri tirkeýge alynǵan.
