Qazaqstanda bir aıda ne qymbattady
NUR-SULTAN. QazAqparat – Qazaqstanda azyq-túlik baǵasy bir aıda 0,8% qymbattady. Bul týraly QR Strategııalyq josparlaý jáne reformalar agenttigi Ulttyq statıstıka bıýrosynan málim etti, dep habarlaıdy QazAqparat.
2021 jylǵy mamyrda onyń aldyńǵy sáýir aıyna qaraǵanda baǵa azyq-túlik taýarlaryna – 0,8%, azyq-túlik emes taýarlaryna – 0,6%, aqyly qyzmetterge 0,7% joǵarylady.
Baǵanyń ósýi qyzylshaǵa – 27,7%, sábizge – 16,1%, kartopqa – 11,1%, kúnbaǵys maıyna – 3,3%, qoı etine – 3,2%, qyryqqabatqa – 3%, qumshekerge, jańa jınalǵan jemisterge – 1,7%-dan, jarmalarǵa, makaron ónimderine, qus etine – 1,3%-dan, shaıǵa – 1,2%, et ónimderine – 1,1%, unǵa, sary maıǵa – 1%-dan, sútke 0,8% tirkeldi. Sondaı-aq mıneraldy jáne as sý – 2%, salqyndatylǵan sýsyndar – 1,7%, alkogoldi sýsyndar 0,9% qymbattady.
Mamyr aıynda arzandady: qııar – 23,4%, qyzanaq – 17,2%, jumyrtqa 2,8%, apelsın 2,8%.
Baǵa ósti: avtomobılderge – 2%, shyny jáne qysh buıymdarǵa – 1%, ydys-aıaqqa – 0,9%, jýǵysh jáne tazalaǵysh quraldarǵa – 0,8%, kıim jáne aıaq kıimge – 0,7%, qurylys materıaldaryna – 0,6%, jeke qoldanylatyn taýarlarǵa 0,4%.
Budan bólek, benzın quny – 1,8%, ballondaǵy súıytylǵan gaz – 1,2%, dızel otyny 0,9% kóterildi.
Monsha qyzmeti – 2%, sanatorıı qyzmeti – 1,9%, kabeldik televızııa qyzmeti – 1%, shashtarazdar men sulýlyq salondar qyzmeti, qonaqúıler qyzmeti – 0,9%, qoǵamdyq tamaqtaný qyzmeti – 0,6%, jolaýshylardyń áýe kóligimen jol júrý aqysy – 8,7%, qalalyq avtobýspen qatynaý 1,4% qymbattady.
Turǵyn úı-kommýnaldyq qyzmetter salasynda tarıfter qoqys shyǵarýǵa – 5,7%, elektr energııasyna 1,7% joǵarylady, al ystyq sýǵa 1% tómendedi.
