Qazaqstanda bir aıda 122 keli sıntetıkalyq esirtki tárkilendi – QR ІІM

ASTANA. QazAqparat – Іshki ister mınıstrligi psıhoaktıvti zattar men basqa da sıntetıkalyq esirtkilerge tosqaýyl qoıýǵa arnalǵan «Refleks-2022» jedel-profılaktıkalyq sharasyn aıaqtady, dep habarlaıdy QazAqparat tilshisi.

«Operatsııa ótken bir aıda el aýmaǵynda sıntetıkalyq esirtkiniń zańsyz aınalymyna baılanysty 470 quqyqbuzýshylyq anyqtalǵan. Onyń ishinde 149 esirtki ótkizý, 46 asa iri mólsherde esirtki saqtaý, 25 nasıhattaý jáne 251 qylmystyq teris qylyq bar. Zańsyz aınalymnan 122 keli sıntetıkalyq esirtki, sondaı-aq 1 kg 300 gramm geroın tárkilendi», - dedi QR Іshki ister mınıstrliginiń ókili Shuǵyla Turlybek onlaın brıfıngte.

Operatsııa bastalǵannan beri 5 jasyryn narkozerthana joıyldy, onda 100 keliden astam daıyn esirtki tárkilengen.

«Máselen, Jambyl oblysynda geroın satýmen aınalysqan qylmystyq top ustaldy. Qylmystyq toptyń 6 múshesi quryqtaldy, olardan bir keliden astam geroın tárkilendi», - deıdi mınıstrlik ókili.