Qazaqstanda bir aı boıy Aeroutqyr áskerleriniń mergender daıarlyǵyna nazar aýdarylady
«Bul sabaqtarda negizinen «shýsyz soǵystardy» júrgizý máselesine basa kóńil aýdarylatyn bolady. Qazirgi zamanǵy soǵystar men qarýly qaqtyǵystar tarıhy kórsetkendeı, kóbinese osy óner sheshýshi mańyzǵa ıe. Sabaqtardyń negizgi maqsaty - mergender bólimsheleriniń jeke quramyna daıarlyq tájirıbesin, urys qımyldaryn júrgizý jáne qysqy jaǵdaıda búrkemeleý tártibin úıretý»,-delingen QR Qorǵanys mınıstrliginiń málimetinde.
Polıgondaǵy sabaqtarǵa Aeroutqyr áskerleri qolbasshysynyń jaýyngerlik daıarlyq jónindegi orynbasary polkovnık Rýslan Muzdybaev jetekshilik jasaıdy. Qyzmet jyldarynda ol ofıtserlik quramnyń barlyq býynynan ótken, tájirıbe almasý úshin shetelderde bolǵan ofıtser. Birneshe márte halyqaralyq deńgeıdegi oqý-jattyǵýlarǵa jetekshilik jasaǵan. Sonymen qatar, jıyn barysynda atys daıarlyǵy, taktıka, ınjenerlik daıarlyq, topografııa, medıtsınalyq daıarlyq, baılanys jáne taý daıarlyǵy boıynsha sabaqtar ótkiziledi.