Qazaqstanda bir aptanyń ishinde qar qursaýynda qalǵan 581 adam qutqaryldy
ASTANA. QazAqparat - 2015 jyldyń 16-22 naýryz kúnderi aralyǵynda QR ІІM Tótenshe jaǵdaılar boıynsha komıtetiniń aımaqtyq bólimsheleriniń jol qyzmetterimen birlesken kúshimen eldegi avtomobıl joldaryndaǵy qutqarý jumystary belsendi ótkizildi.
Memlekettik til jáne aqparat basqarmasynan habarlaǵandaı, «qar tutqyndarynyń» eń kóp sany Aqmola oblysynda bolǵan: oblystaǵy Qorǵaljyn, Jaqsy, Ereımentaý, Tselınograd, Sandyqtaý, Býrabaı aýdandarynda 162 adam men 47 tehnıka birligi qaýipsiz jerge kóshirilgen.
Pavlodar oblysynyń qutqarýshylary qar qursaýynan 156 adam, sonyń ishinde 6 bala, 9 tehnıka birligin shyǵarǵan. Qutqarý jumystary Ekibastuz qalasy, Baıanaýyl, Jelezın, Qashyr, Ýspen aýdandarynda júrgizilgen.
Shyǵys Qazaqstan oblysynda 136 adam, sonyń ishinde 3 bala jáne 35 tehnıka birligi qaýipsiz jerge kóshirildi. Qutqarý qyzmetteri Semeı qalasy, sondaı-aq Ulan, Borodýlıha aýdandarynda jumys istedi.
Soltústik Qazaqstan oblystarynyń kúre joldarynda 92 adam qutqaryldy, sonyń ishinde bir bala boldy, 31 tehnıka birligi qaýipsiz jerge kóshirilgen. Qaraǵandy oblysynyń Ulytaý aýdanyndaǵy «Qyzylorda-Pavlodar» kúre jolynda 35 adam qutqaryldy.
Atyraý oblysynyń qutqarýshylary Kaspıı teńizine qaraı «Nıva» kóligimen jolǵa shyqqan adamdarǵa qatysty izdeý-qutqarý jumystary ótkizildi. Joǵalǵan azamattar tabylyp, Zabýrýne aýyldyq okrýgine jetkizildi. Olardyń jaǵdaıy turaqty. Іzdeý jumystaryna Atyraý oblystyq TJD, «Qazavıaqutqarý» AQ-nyń kúshteri men quraldary jáne jergilikti turǵyndar jumyldyryldy.
Ótkizilgen qutqarý jumystarynyń nátıjesinde qar qursaýynan 581 adam, sonyń ishinde 19 bala, 122 tehnıka birligi qutqaryldy. Qutqarýshylar azamattardan aýa raıynyń qolaısyzdyǵy jaǵdaıynda ásirese túngi ýaqytta eldi mekenderdiń syrtyna shyqpaýlaryn suraıdy. Kúrtik qar kezinde ózin ózi ustaý erejeleri týraly aqparatty TJK saıtyndaǵy «Turǵyndar úshin» bóliminde «Azamattardyń TJ kezindegi tártibi men áreketteri» aıdarynan alýǵa bolady.
