Qazaqstanda bir aptada jol apattarynan 48 adam kóz jumdy
NUR-SULTAN. QazAqparat – QR Іshki ister mınıstrligi baspasóz qyzmetiniń qyzmetkeri Kámil Ǵalıev eldegi krımınogendik ahýal jóninde málim etti, dep habarlaıdy QazAqparat tilshisi.
Onyń aıtýynsh,a elde ótken aptada 3353 qylmys tirkelgen. Onyń 2223-i bir táýlik ishinde ashylǵan. Polıtsııa kisi óltirý qylmysynyń - 11, densaýlyqqa aýyr zııan keltirý saldarynan ólimge aparyp soqtyrǵan - 2, qaraqshylyq pen urlyqtyń - 36, bótenniń múlkin urlaýǵa qatysty 553 faktini iz sýytpaı ashqan.
«Bir aptanyń ishinde 196 jol-kólik oqıǵasy tirkelip, ókinishke qaraı 48 adam kóz jumdy. 225 adam ártúrli deńgeıde jaraqat aldy. Aýa raıynyń buzylýyna baılanysty Іshki ister mınıstrligi eldi mekennen tys jerge kólikpen shyǵý josparyn keıinge qaldyrýǵa shaqyrady. Joldyń jabylýyn, aýa raıynyń buzylýyn aldyn ala qadaǵalap otyrǵan abzal», - dedi Kámil Ǵalıev mınıstrliktiń baspasóz máslıhatynda.
