Qazaqstanda bir aptada 3 myń qylmys tirkeldi - ІІM
NUR-SULTAN. QazAqparat – Ótken aptada elimiz aýmaǵynda 3 myńnan astam qylmys jasaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.
«Apta ishinde 3031 qylmys tirkelip, táýlik ishinde onyń 1977-siniń beti ashyldy», - dedi resmı ókil.
Onyń aıtýynsha, polıtseıler kisi óltirýge qatysty 10 qylmystyń, sondaı-aq adam ólimine alyp kelgen densaýlyqqa qasaqana aýyr zııan keltirýdegi 6 qylmystyń izin sýytpaı ashty. Sonymen qatar qaraqshylyq boıynsha eki jáne tonaýǵa qatysty 29 qylmysqa, bótenniń múlkin urlaýǵa baılanysty 463 qylmysqa qatysty kúdiktelerdi tez arada anyqtaýǵa múmkin boldy.
