Qazaqstanda bir aptada 3,3 myń qylmys jasalǵan
NUR-SULTAN. QazAqparat – Elimizde bir apta ishinde 3366 qylmys tirkeldi. Bul týraly Іshki ister mınıstrliginiń baspasóz qyzmeti ótkizgen onlaın brıfıngte aıtyldy, dep habarlaıdy QazAqparat tilshisi.
«Elimizde bir apta ishinde 3366 qylmys jasaldy, onyń 2184-i táýlik ishinde ashyldy. Polıtsııa qyzmetkerleri «izin sýytpaı» kisi óltirýdiń – 13, ólimge ákep soqqan densaýlyqqa qasaqana aýyr zııan keltirýdiń – 6, qaraqshylyqtyń – 1, tonaýǵa qatysty – 45 jáne bóten múlikti urlaýdyń 511 qylmysyn ashty», - deıdi QR ІІM resmı ókili Nurdildá Oraz.
Eske sala ketsek, qańtar aıynyń sońǵy aptasynda 3146 qylmys tirkelip, onyń 2042-i táýlik ishinde izi sýymaı áshkerelendi. Polıtsııa qyzmetkerleri kisi óltirýge qatysty – 8, ólimge aparyp soqtyrǵan qasaqana densaýlyqqa zııan keltirýdiń 8 qylmysyn ashqan.
