Qazaqstanda bir aptada 2,5 myń qylmys jasalǵan

ASTANA. QazAqparat – Ótken aptada el aýmaǵynda 2514 qylmys jasaldy. Bul týraly Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Aldymen eldegi krımınogendik jaǵdaıǵa toqtalaıyq. Bir aptada 2514 qylmys jasaldy, onyń 1570-i táýlik ishinde ashyldy. Polıtsııa qyzmetkerleri «izin sýytpaı» kisi óltirýge qatysty – 5, ólimge ákep soqqan densaýlyqqa qasaqana aýyr zııan keltirýge qatysty 2 qylmysty ashty. Sonymen qatar 23 tonaý, 351 múlik urlaý qylmysy ashyldy», – dedi Shuǵyla Turlybek vedomstvoda onlaın ótken baspasóz máslıhatynda.

Mınıstrlik usynǵan málimetke sáıkes, júrgizilgen jumystar nátıjesinde elimizde qylmys sany azıyp keledi.

ІІM statıstıkasyna súıensek, jasalatyn qylmystardyń shamamen 50% – urlyq.

Odan bólek brıfıng barysynda Memleket basshysynyń tapsyrmasymen esirtki jáne nashaqorlyq qylmysyna qarsy kúres boıynsha 2023-2025 jyldarǵa arnalǵan keshendi jospar ázirlenip jatqany aıtyldy.