Qazaqstanda bir aptada 19 orman órti tirkelgen

NUR-SULTAN. QazAqparat – 2020 jyldyń 10-17 shilde kúnderi Qazaqstannyń memlekettik orman qory aýmaǵynda 19 orman órti tirkeldi, dep habarlaıdy QazAqparat Jýaly Orman jáne janýarlar dúnıesin qorǵaý komıtetine silteme jasap.

Óńirler arasynda Aqtóbe oblysy boıynsha - 5 órt, Batys Qazaqstan oblysynda – 9 órt, Qostanaı oblysynda – 2 órt, Soltústik Qazaqstan oblysynda – 1 órt, Býrabaı memlekettik ulttyq tabıǵı parkinde – 2 órt tirkelgen.

«Jyl basynan beri elimizde jalpy aýdany 22 403,25 ga bolatyn 394 orman órti tirkelip, jalpy zalal 1 883,5 mln teńgeni qurady. Oblystyq atqarýshy organdardyń jáne basqa da memlekettik orman ıelenýshilerdiń qaramaǵyndaǵy ormandarda jalpy kólemi 10 282,14 ga bolatyn 216 orman órti tutanyp, 50 773,8 myń teńge zalal keldi», - dep habarlady Orman jáne janýarlar álemin qorǵaý komıtetiniń baspasóz qyzmeti.

Orman sharýashylyǵy jáne janýarlar dúnıesi komıtetiniń qaramaǵyndaǵy ormandarda jalpy aýdany 12 121,11 ga órt bolyp, 1 832 738,4 myń teńge shyǵyn keldi.

Órt sóndirý barysynda Jýaly orman jáne janýarlar dúnıesin qorǵaý ınspektsııasynyń eki qyzmetkeri jaraqat aldy.