Qazaqstanda bıologııalyq qaýipsizdik jónindegi zań jobasy jasalady

NUR-SULTAN. QazAqparat - Qazaqstanda bıologııalyq qaýipsizdik máseleleri jónindegi zań jobasy jasalady, dep habarlaıdy QazAqparat.

Eske sala keteıik, búgin QR Premer-Mınıstriniń orynbasary Eraly Toǵjanovtyń tóraǵalyǵymen Vedomstvoaralyq komıssııanyń otyrysy ótti.

Onda Memleket basshysy Q. Toqaevtyń 2020 jylǵy 16 qarashadaǵy COVID-19 taralýyna qarsy is-qımyl boıynsha bergen tapsyrmalary sheńberinde naqty sharalar ázirlendi.

VAK otyrysynyń qorytyndysy boıynsha birqatar sheshimder qabyldandy.

Atap aıtqanda, bıologııalyq qaýipsizdik máseleleri jónindegi QR zań jobasyn ázirleýdi ony Parlament Májilisine engize otyryp, aǵymdaǵy sessııanyń sońyna deıin usyný mindetteldi.

Sonymen qatar, áskerı gospıtaldardaǵy tósek qoryn qajetti jaǵdaıda jedel óristetýge tolyq ázirlikti qamtamasyz etý tapsyryldy.