Qazaqstanda bıologııalyq belsendi qospalardy tańbalaý quny talqylandy
ASTANA. KAZINFORM — Biryńǵaı operator taǵamǵa bıologııalyq belsendi qospalardy tańbalaýǵa arnalǵan baqylaý-sáıkestendirý belgisiniń qunyn QQS-syz 2,68 teńge deńgeıinde belgileýdi usyndy.
Búgin komıtet alańynda Biryńǵaı operatordyń memlekettik monopolııaǵa jáne arnaıy quqyqqa jatqyzylǵan qyzmetteriniń baǵasyna saraptama júrgizý boıynsha, atap aıtqanda taǵamǵa bıologııalyq belsendi qospalardy sáıkestendirý quraldarymen tańbalaý jáne qadaǵalaý máselesine arnalǵan jarııa tyńdaý ótti.
Talqylaýǵa bıznes ókilderi, qoǵamdyq qaýymdastyqtar men memlekettik organdardan shamamen 70 ókil qatysty.
Biryńǵaı operator ókilderi atalǵan taýar toby boıynsha tarıfke engizilgen shyǵyndar qurylymyn tanystyrdy. Biryńǵaı operator qyzmetteriniń baǵasy baǵa belgileý qaǵıdalarynyń talaptaryna sáıkes shyǵyndyq ádis arqyly qalyptastyrylady.
Jarııa tyńdaýdyń ótkizilýi qyzmet tarıfteri jobasyn ázirleý úderisiniń ashyqtyǵyn kórsetip, Biryńǵaı operator qyzmetterin paıdalanýshylardyń múddeleriniń saqtalýyn qamtamasyz etedi.
Biryńǵaı operator taǵamǵa bıologııalyq belsendi qospalardy tańbalaýǵa arnalǵan baqylaý-sáıkestendirý belgisiniń qunyn QQS-syz 2,68 teńge deńgeıinde belgileýdi usyndy.
Tyńdaý barysynda kelip túsken suraqtarǵa jan-jaqty túsindirmeler berildi.
Jarııa tyńdaý qorytyndysy boıynsha materıaldar Kásipkerlik kodekske sáıkes QR Básekelestikti qorǵaý jáne damytý agenttigine joldanatyn bolady.
Aıta ketelik bıologııalyq belsendi qospalar naryǵy memleket tarapynan qatań baqylaýda.
