Qazaqstanda bıologııa men fızıkadan olımpıadanyń sheshýshi kezeńi bastaldy
ASTANA. KAZINFORM — Astanada jaratylystaný-matematıkalyq baǵyttaǵy bıologııa jáne fızıka pánderi boıynsha jalpy bilim beretin pánderden 9-11 (12) synyp oqýshylaryna arnalǵan respýblıkalyq olımpıadanyń qorytyndy kezeńi ótip jatyr, dep habarlaıdy Oqý-aǵartý mınıstrliginiń baspasóz qyzmeti.
Bul kezeńge respýblıka óńirlerinen 311 oqýshy qatysady:
* bıologııa páni boıynsha — 153 qatysýshy;
* fızıka páni boıynsha — 158 qatysýshy.
— Olımpıada barysynda qatysýshylar teorııalyq jáne tájirıbelik tapsyrmalardy oryndap, ǵylymı oılaý qabiletterin, zertteýshilik daǵdylaryn jáne pándik bilim deńgeıin kórsetedi. Zııatkerlik saıystyń negizgi maqsaty — daryndy oqýshylardy anyqtaý, olardyń ǵylymı áleýetin damytý jáne halyqaralyq olımpıadalarǵa daıyndalatyn ulttyq quramany qalyptastyrý, — delingen habarlamada.
Pándik olımpıada qorytyndysy boıynsha úzdik nátıje kórsetken oqýshylar ulttyq olımpıadalyq rezerv quramyna qabyldanyp, elimizdiń namysyn halyqaralyq bilim dodalarynda qorǵaýǵa múmkindik alady.
Buǵan deıin «Myń bala» ulttyq olımpıadasyna tirkelý júrip jatqanyn jazdyq.
