Qazaqstanda Bıoalýandylyqty saqtaý jyly ashyldy

2006 jyly jeltoqsannyń 20-da BUU Bas assambleıasynda bıologııalyq ártúrliliktiń joǵalý problemasyna Álem elderiniń nazaryn aýdartý maqsatynda 2010 jyl Bıoalýandylyqty saqtaý jyly dep jarııalanǵan bolatyn. Bıyl álemniń kóptegen elderi sııaqty Qazaqstan Bıoalýandylyqty saqtaý jylyn atap ótý sharalary bastalǵandyǵyn jarııalady.

Saltanatty sharada QR Qorshaǵan ortany qorǵaý mınıstri Nurǵalı Áshimov, Eýropalyq Damý jáne qaıta qurý bankiniń Qazaqstandaǵy ókilderi, BUU-nyń elimizdegi turaqty ókili Stelıana Neder qatysty.

Óziniń sózinde mınıstr N. Áshimov, oqıǵanyń aldaǵy barysynda ortalyq apparat pen qurylymdyq bólimsheleriniń atqarýy tıis máseleler men mindetterge toqtaldy. Onyń aıtýynsha, mınıstrlik jańartylatyn energııa kózderin, «jasyl energetıkany» damytý, parnıktik gazdardyń aýaǵa taralýyn azaıtý, sý resýrstarynyń tazalyǵyn saqtaý, qorshaǵan orta lastaýyshtaryn joıatyn bakterııalar men tehnologııalardy qoldaý syndy basymdyqtar belgilengen.

«Qazaqstanda Bıoalýandylyqty saqtaý jyly aıasyndaǵy sharalar el ekologııasyna mol áserin tıgizedi. Qazaqstannyń tabıǵatty qorǵaý isi úshin bul eleýli oqıǵa jáne mańyzdy kezeń bolady», deıdi mınıstr.