Qazaqstanda bıo tyńaıtqyshtar men ósimdikterdi qorǵaý quraldary óndiriletin bolady
ASTANA. KAZINFORM - Bundaı ýaǵdalastyqqa QR Aýyl sharýashylyǵy vıtse-mınıstri Azat Sultanov pen REKA B. V kompanııasynyń bas dırektory Erık Egberts kezdesý barysynda keldi.
QR Aýyl sharýashylyǵy mınıstrligi baspasóz qyzmetiniń habarlaýynsha, kezdesý qazaqstandyq delegatsııanyń Nıderlandyǵa aýyl sharýashylyǵy salasyndaǵy yntymaqtastyqty nyǵaıtýǵa baǵyttalǵan resmı sapary aıasynda ótti.
Aıta keteıik, REKA B.V. qazaqstandyq aýyl sharýashylyǵy naryǵynda 2016 jyldan bastap tuqym men ósimdikterdi qorǵaý quraldaryna arnalǵan tabıǵı jabyndardy óndirýge mamandanǵan. 2020 jyly kompanııa osy ónimderge negizdelgen ósimdikterdi qorektendirý boıynsha arnaıy tujyrymdamasyn jasaı bastady.
Kelissózderdiń negizgi taqyryby Qazaqstan aýmaǵynda bıo tyńaıtqyshtar men ósimdikterdi qorǵaý quraldaryn óndirýdi bastaý jónindegi josparlardy talqylaý boldy.
REKA kompanııasy óndiristi 2025 jyldyń birinshi toqsanynda bastaý nıetin rastap, sodan keıin naryq qajettilikterine sáıkes kólemniń ulǵaıýyn qarastyratynyn jetkizdi. Bul joba Qazaqstandaǵy aýyl sharýashylyǵy óndirisiniń ekologııalyq turaqtylyǵy men tıimdiligin arttyrýǵa yqpal etýge arnalǵan.
Kezdesý barysynda REKA-nyń QR AShM Ulttyq agrarlyq ǵylymı bilim berý ortalyǵymen yntymaqtastyǵy týraly másele qaraldy. Kompanııa birlesken ǵylymı zertteýler júrgizýge, sondaı-aq qazaqstandyq mamandardyń biliktiligin arttyrý baǵdarlamalaryn uıymdastyrýǵa qyzyǵýshylyq bildirdi, bul ozyq tájirıbe men bilimdi berýge yqpal etetin bolady.
Sondaı-aq, REKA, Hanseplant jáne qazaqstandyq seriktester arasynda birlesken kásiporyn qurý perspektıvalary talqylandy. Birlesken kásiporyn ınnovatsııalyq agrotehnologııalardy engizýge jáne ekijaqty ekonomıkalyq yntymaqtastyqty nyǵaıtýǵa baǵyttalatyn bolady.
QR AShM jáne REKA B.V. kompanııasy Qazaqstannyń agrarlyq sektoryn jańǵyrtýǵa jáne aýyl sharýashylyǵynyń turaqty damýyn nyǵaıtýǵa baǵyttalǵan áriptestikti odan ári damytýǵa daıyn ekendikterin bildirdi.
