Qazaqstanda bilim berý sapasyn baǵalaýdyń ulttyq júıesi engizilýde
ASTANA. 31 qańtar. QazAqparat - Orta bilim berý mekemelerindegi sapalyq baqylaýdy ortalyqtandyrý jónindegi sharalar keshenin qabyldaý úshin elimizde bilim sapasyna biryńǵaı vertıkaldy baqylaý engiziledi,
dep habarlady QR Bilim jáne ǵylym mınıstrliginen Pm.kz saıtyna.
«4-shi synyptardaǵy aralyq memlekettik baqylaýdyń (AMB) ortasha baly -18,2, 9-shy synyptarda 70,8 baldy qurady»,- delingen vedomstvo habarlamasynda.
Oǵan qosa, 2011 jyly joǵary oqý oryndarynyń stýdentteri arasynda ótkizilgen aralyq memlekettik baqylaýǵa barlyq stýdentterdiń 90,7 paıyzy qatysqan jáne olardyń ortasha kórsetkishi - 82,3 baldy quraǵan. Ulttyq biryńǵaı testileý boıynsha ortasha kórsetkish - 86,7 ball bolǵan.
Sondaı-aq, 2011 jyly 3796 izdenýshiniń ǵylymı ataqtary qýattaldy (onyń ishinde, ǵylym doktorlary - 588, ǵylym kandıdattary - 2040, professorlar - 313, dotsentter - 855).
«2011 jyly elimizdiń 25 joǵary oqý orny men 3 respýblıkalyq mekemesinde memlekettik attestatsııa ótkizildi. Olardyń qorytyndysy boıynsha 449 mamandyq attestatsııadan ótti», - dep atap kórsetiledi mınıstrliktiń habarlamasynda.
Oǵan qosa, bilim berý qyzmetin lıtsenzııalaý erejeleri men Bilim berý týraly zańynyń saqtalý saqtalmaýyna qatysty 72 oqý ornynda tekserý júrgizildi.
